لماذا نكره المذاكرة؟

انا قريت فى الجرنان ملخص لكتاب شاب كتبه عن المذاكرة

بس كاتبه بطريقة ساخرة جدا

و كان كاتب:



من اهم الاسئلة التى كانت تزن فى مخى ( مثل زنة اللمبة النيون) سؤال ؟ لماذا اكره المذاكرة ؟

الاسباب كثيرة

1- اكره المذاكرة لانى احب النوم اكثر و المقارنة بينهما ليست فى صالح المذاكرة بالتاكيد
و حقيقة لا اعرف لماذا يهاجمنى النوم و اشعر بالتكسير فى جسمى كله عندما اجلس على المكتب لاذاكر دروسى و لا اعرف لماذا يطير النوم من عينى فى اللحظة التى ادخل فيها الى السرير ؟ سالت امى فقالت لى ( شد حيلك) ثم سالتنى هل تعرف بيت الشعر الذى يقول ( من طلب العلا سهر الليالى ) فقلت لها : طبعا انه البيت الذى تبدا به قصيدة ( يا يا يا .. يا سهر الليالى



2- اكره المذاكرة لانها تذكرنى بكل الاشياء الجميلة التى اعشقها فالتاريخ يذكرنى بجدتى و طعامها الشهى خصوصا المسقعة باللحمة المفرومة و صينية البسبوسة بالمكسرات و الهندسة تذكرنى بمحمد ابو تريكة و الانجليزى يذكرنى ببراد بيت و مراته انجلينا جولى و الاحياء تذكرنى بهيفاء وهبى



3- اكره المذاكرة لان كل النجوم الذين اعشقهم و احترمهم عندما اشاهدهم فى البرامج التليفزيونية اجدهم يتكلمون بفخر عن ذكرياتهم ايام المدرسة و قد كانوا طلبة فاشلين بيزوغوا و بيسقطوا و بيترفدوا كل يومين الامر الذى جعلنى اؤمن بان طريق النجومية و الشهرة يبدا بالفشل فى الدراسة



4- اكره المذاكرة لان الحفظ صعب و الفهم اصعب اما التركيز فهو من تاسع المستحيلات خصوصا عندما اسمع الموسيقى لبرنامج الدرجة التالتة بتاع احمد شوبير




5- اكره المذاكرة لانها لافتة كبيرة مكتوب عليها ممنوع .... ممنوع الخروج ممنوع السرحان ممنوع الجلوس مع الضيوف ممنوع الذهاب للحمام كل خمس دقائق ممنوع البلاى ستيشن ممنوع الكليبات ممنوع الانترنت ممنوع تذاكر على المزيكا ممنوع فيلم السهرة ممنوع لمس الريموت كنترول اصلا ممنوع الرد على التليفون




6- اكره المذاكرة لانها تعطى الحق لكثيرين ليتحكموا فى حياتى بداية بمن يعيشون معى فى المنزل نفسه مرورا بسواق باص المدرسة نهاية بالمدرسين و الناظر .. الكل يطاردنى حتى اذاكر و اتوقع دائما ان يستوقفنى شخص لا اعرفه فى الشارع ليسالنى ( انت ليه قاعد مش بتذاكر )؟



7- اكره المذاكرة لانها تجعلنى اكذب كثيرا ... عندما تسالنى امى ( ذاكرت ؟ او خلصت مذاكرة ؟ او حتى حليت الواجب؟) لابد ان تكون الاجابة نعم - ما فيش اختيارات - و عندما يسالنى المدرس ( ليه ما ذاكرتش او ليه ما حلتش الهوم وورك) لابد ان اقدم له سبب من تاليفى ( ماما كانت عيانة فى المستشفى



8- اكره المذاكرة لانى اكره قعدة المكتب ... الا اذا كانت القعدة من اجل عمل شئ مفيد ( زى الشات مثلا




9- اكره المذاكرة لانى لا ارى علاقة مباشرة بين دروس اللغة العربية و رغبتى فى ان اكون لاعب كرة فى اشبال النادى الاهلى و لاننى غير مقتنع باهمية معرفة الفرق بين الاميبا و الانكلستوما ما دمت احلم ان اكون مهندس ديكور ... م الاخر بصراحة لا اشعر باهمية ما ادرسه و اشعر ان طموحاتى حاجة و المناهج التعليمية حاجة تانية خالص



10 - اكره المذاكرة لانها تعنى لى الوحدة و الحبس الانفرادى و لانها تجعلنى اسمع الكلمة الى اكرهها كراهية القلقاس ( خش اوضتك ذاكر



11- اكره المذاكرة لانها تعطى الافضلية و النجومية ل (عيال دمها تقيل) كل ما يجيدونه الجلوس بالساعات على المكتب و الجلوس فى الصف الامامى فى الفصل و كثيرا ما يعايرنى اهلى بهؤلاء الشطار و الاوائل مع ان اهلى لا يعرفونهم جيدا و لا يعرفون كم هم مملون و اغبياء و ثقيلو الدم هؤلاء العائدين الى منازلهم على صدورهم نيشان الاول على الفصل



12- اكره المذاكرة لانها جعلتنى اكتشف فى نفسى عيبا خطيرا قد يدمر مستقبلى كله فقد كشفت لى المذامرة انى اكره تحمل المسؤلية و انى مستهتر و كسول و جعلتنى دوما اسال نفسى ( يعنى مش قادر اتحمل مسئولية المذاكرة طب هعمل ايه لما اكبر و ابقى مضطر اتحمل مسئولية الشغل و الجواز و البيت و العيال اللى لازم تنجح فى دراستها عشان الناس ما تقولش عنى انى خلفت عيال فاشلة)؟



طيب ازاى احب المذاكرة؟؟؟؟



لكى تحب المذاكرة يجب ان تجيب عن سؤال مهم ( انت بتذاكر ليه اصلا؟) لابد ان تمتلك سببا مقنعا - بينك و بين نفسك - يجعلك تحب المذاكرة و تخلص لها
بتذاكر ليه ؟
هناك 3 اجابات لا رابع لهم

1- تذاكر حتى لا ترسب (علشان ما تسقطش) و تتحول الى فرجة العائلة الكريمة و تقضى اجازتك حاملا لقب ( الساقط ) - الساقط راح الساقط جه السافط لسه ما صحيش من النوم - وحتى تتفادى الامتيازات التى يحصل عليها ( الساقط) مثل الضرب على القفا و الحرمان من النت و لعب الكرة و قيادة سيارة الوالد مثل ان تتركك العائلة مع جدتك و تسافر المصيف مثل ان ترى والدك يقف فى منتصف غرفتك صائحا ( انا ما خلفتش) . تذاكر حتى لا تصبح المواطن الفاشل مستقبلا هذا المواطن الذى يعيش عالة على من حوله هذا الشخص الذى يهتف الناس بمجرد ان يظهر ( يييييييه) . اذا اخترت ان تذاكر مدفوعا بالاسباب السابقة فانت شخص عادى و مسالم و تقليدى و فيه منك كتير اوى


2- تذاكر لكى تحقق ما فى خيالك من حلم يحتاج للنجاح فى الدراسة مثل ان تصل للكلية التى تحبها و التى ستؤهلك للمهنة التى تحلم بها ( دكتور مهندس قاضى الخ) او ان يكون حلمك هو اسعاد والديك و جعلهما فخورين بك او ان يكون حلمك ان تساعد فى رفع مستوى عائلتك المادى او الاجتماعى
اذا اخترت الاسباب السابقة فانت مواطن محترم ذو اهداف شريفة و مشروعة و تستحق كلمة برافو و لكن ... لا تنكر انك استخدمت المذاكرة للوصول الى هدفك بنفس الطريقة التى يتعامل بها المواطن العادى مع الاجراءات المطلوبة للحصول على رخصة القيادة ! تذاكر غصب عنك علشان ما عندكش اختيارات تانية

3- تذاكر حتى تتعلم و تعرف ... هذا هو السبب الاهم فى رايى فالانسان موجود على سطح كوكب الارض حتى يتعلم و يعرف و يفهم فالمعرفة و العلم يجعلانك شخصا محترما و ناجحا بلا شك
هناك من يذاكر لان ( المدرسة و الاهل و المجتمع كله عايزين منه انه يذاكر و ينجح ) هذا شخص يحقق اهداف اشخاص اخرين غيره و هناك من يذاكر لنفسه ( لانه عايز يعرف كل حاجة ) و هذا شخص يحقق اهدافا كثيرة لنفسه اولا ثم لغيره او باختصار بيذاكر لمتعته الشخصية و بحثا عن المعرفة

- فاللغة الانجليزية .. ليست مادة الهدف منها حفظ كلمات جديدة و افعال و قواعد لكى تستخدمها فى لجنة الامتحان و لكن الهدف ان يصبح عندك لغة تتعامل بها فى العالم الذى صار مفتوحا على بعضه من خلال النت و الفضائيات و اتفاقية الجات و شركات المالتى ناشيونال . ان يصبح عندك لغة تفيدك فى المعرفة و فى قراءة كل ما هو بلغة اخرى بداية من صفحات النت مرورا باستمارات الحصول على تاشيرة دولة اجنبية نهاية بالنشرة الداخلية لعلبة الدواء


- و الجغرافيا .. ليست مادة الهدف منها الاجابة عن مساحة دولة قطر و اهم صادرات ساحل العاج و المناخ العام لجمهورية مصر العربية و لكن يجب ان تتعلم من الجغرافيا ما هو شكل العالم الذى تعيش فيه . يجب ان تضع فى غرفتك خريطة كبيرة للعالم و تلون البلاد التى تحلم بزيارتها و تتعلم كيف يعيش الناس فيها

- و الرايضيات .. ليست مادة الهدف من دراستها معرفة نص نظرية اقليدس و فيثاغورث لحل المسائل فى الامتحانات بالعكس الرياضيات مادة يجب ان تتعلم منها كيف تمتلك طريقة تفكير و ان تمتلك قواعد فى دماغك تنظم المعطيات بكل انواعها حتى تصل للنتائج بسهولة

- و خذ عندك مثلا السيدة المحترمة والدتك لا تذاكر طريقة عمل السكالوب بانيه ( علشان تسمع لك اللى هيا حفظته و انتو قاعدين على السفرة ) و لكنها تذاكر طريقة عمله ( علشان تعمله على الغدا ليك و لاخواتك)
فهمت يا حاج؟

- و بناء عليه لا تعطى كامل تركيزك للكتب فقط و لكن الشخص الذى يشرح ( المدرس او واحد اكبر منك ) هو الجدير بالتركيز و تذكر ان الشخص اللى عنده خبرة فى استخدام الموبايل اهم كثيرا من الكتيب المصاحب للموبايل بالعكس الكتيب قد يجعلك تحرق العدة

- يكسب كثيرا ... ربما يكسب كل شيئ من يدخل الى غرفته و هو يقول ( انا داخل اتعلم) مش ( انا داخل اذاكر) و يكسب كثيرا الشخص الذى يفرح كلما عرف معلومة جديدة حتى لو كانت معلومة ان الاميروزيتال عندما يتحد مع الميثانول فى درجة حرارة مرتفعة يعطينا الكلورين السائل

عمر طاهر

كتاب ( نهضة مصر).!


هنا بينتهى كلام عمر و يفضل السؤال

ليه احنا بنكره المذاكرة

يا ترى عيب فينا احنا و الا فى اللى بيدرسولنا

انا شايف ....................... و لا اقولكم

اسيبكم انتو تقولو رايكم

معلش انا عارف انى طولت عليكم

بس يا رب تكونوا استمتعتم

كلمه شكرا قليله علي الموضوع

برنسيسه يا منه

ميرسي يا احمد ربنا يخليك يارب

شكرا يا منمن

العفو يا قمر
شكرا علي مرورك

يااااااااااارب
ههههههههههه
شكرا علي مروركم يا جماعة