بسم الله الرحمن الرحيم
عايزة اتناقش معاكم في موضوع كده
في شباب بيبقوا مرتبطين بعلاقة عاطفية تكاد تكون جدية شكلا بس مضمونا بيبقى فيها نوع من الشك
يعني في شباب مثلا بيخافوا يقولوا او يصرحوا بالموضوع ده و بيبقوا مش عايزين يقولوا انهم مرتبطين خصوصا قدام البنات مش عارفة ليه..يعني لو هم فعلا واخدين موضوع ارتباطهم ده بجدية زي ما هم بيقنعوا نفسهم وبيقنعوا البنت اللي بيرتبطوا بيها المفروض ميخبوش حاجة زي دي او ينكروها لما حد يسألهم
في ناس حتقولي الشاب اللي يعمل كده ممكن يكون بيعمل كده لمصلحة البنت اللي مرتبط بيها ..هقولكم هو كان من الاول مرتبط بيها ليه لو هو شايف ان ارتباطها بيه حيضرها بأي شكل؟ انا مش بتكلم على النوع ده انا بتكلم على النوع اللي مرتبط ارتباط جدي يعني اهله و اهلها عارفين مثلا بس يجي عند ناس اغراب ميعرفوش انه مرتبط و ينكر
اللي بيعمل كده انا شايفة انه ممكن يبقى مش مقتنع بالبنت اللي مرتبط بيها او لانه مقتنع بيها نوعا ما بس بيبقى عنده نوع من التردد انه يقول انه مرتبط ..وبيقول في نفسه مش يمكن الاقي حاجة احسن؟
انا بصراحة بحترم اي شاب بيقول انه مرتبط بواحدة لانه بكده بيثبت للناس ان البنت اللي مرتبط بيها دي مش هيلاقي احسن منها و انه فعلا بيحبها بصدق
ومش حيخاف يعني لو في اي فرص ضاعت منه بسبب صراحته
عاوزه اعرف ارائكم
الرئيسية 
أحدث الصور 
التسجيل 
دخول 
